დასასვენებლად ქალაქისა და თარიღის არჩევასთან დაკავშირებული სირთულეების გარდა, ჩვენი მომხმარებლები სასტუმროში „ჩაისთვის“ წვრილმანი გასამრჯელოს დატოვების პრობლემას აწყდებიან, რადგან აქ ყველაფერი ისე აშკარა არ არის, როგორც კვების ობიექტებში. გავერკვეთ სიტუაციაში?
დავიწყოთ იმით, რომ „ჩაისთვის“ გასამრჯელოს დატოვება – თითოეული ადამიანის პირადი საქმეა. ზოგი მცირე თანხას დაუფიქრებლად აძლევს სასტუმროს თანამშრომლებს, ზოგიც კი დიდხნას ფიქრობს და ეჭვობს. მაგრამ არსებობს რამდენიმე წესი, რომლებიც ყველას ეხება:
მოახლე
ეს აშკარა არჩევანია იმისათვის, რომ მადლობა გადაუხადოთ თქვენი ნორმის სისუფთავისთვის. ტყუილად როდი ამბობენ, რომ ისინი სასტუმროში ყველაზე შრომისმოყვარე და ნაკლებად ცნობადი ხალხია.
გასამრჯელოს რეკომენდებული ოდენობა – 3-5 აშშ დოლარია, მაგრამ გაითვალისწინეთ სტუმრების რაოდენობა. მაგალითად, ოჯახს, რომელიც მცირეწლოვან ბავშვებთან ერთად ისვენებს, შეუძლია მეტი დატოვოს, რადგან ასეთ ოთახში მუშაობა უფრო რთული იქნება, ხოლო ბიზნესმენებს, რომლებიც ოთახში რამდენიმე საათის განმავლობაში იმყოფებიან, შეუძლიათ საერთოდ არ დატოვონ „ჩაისთვის“.
არ გირჩევთ ფულის გარდა სხვა რაიმეს შეთავაზებას. უმეტეს სასტუმროებში ალკოჰოლისა და საკვების ნომრის გარეთ გატანა აკრძალულია.
დატოვეთ ფული საწოლზე წერილთან ერთად ან კონვერტში წარწერით „გმადლობთ“. და რაც მთავარია – ბოლო დღემდე არ მიიტანოთ, რადგან მოახლეები ყოველდღიურად იცვლებიან. შესაბამისად, ნაკლებად სავარაუდოა, რომ თქვენს გამგზავრებამდე დატოვებული „ჩაისთვის“ თანხა თითოეულ მათგანს შეხვდება.
ხელოსანი
თქვენს ნომერში გაუმართაობის მოგვარებისთვის ან ისეთი რამის მოტანისთვის, რაც გაკლდათ, ხელოსნები გასამრჯელოს არ ელოდებიან. მაგრამ ეს თქვენი გადასაწყვეტია.
ოსტატი სალონში ან სპა-ცენტრში
„ჩაისთვის“ თანხის დატოვება ღირს თუნდაც ფასში სპა-ცენტრის მომსახურება შედიოდეს.
გადავხედოთ მომსახურებას:
- თმის სტილისტებს – მთლიანი ქვითრის 15%. თუ სხვამ დაგბანათ თავი – 2-3 დოლარი უნდა მისცეთ;
- მანიკიურის სპეციალისტები – მთლიანი ანგარიშის 10-15%;
- მასაჟისტები – სავარაუდო საერთო თანხის 15%.
კამერდინერი
ადამიანი, რომელსაც ფაქტობრივად ყველაფერი ეხება: თქვენი ავტომობილის პარკირებიდან დაწყებული, თქვენს ნომერში საკვების შეკვეთით დასრულებული. მხოლოდ ყველაზე ძვირადღირებულ სასტუმროებს ჰყავთ ასეთი მუშაკები. შეგიძლიათ ყოველ ჯერზე 2-3 დოლარი მისცეთ ან აცნობოთ, რომ მადლობას თქვენი მოგზაურობის ბოლოს გადაუხდით. ეს შესაძლებელია, რადგან კამერდინერები ცვლაში არ მუშაობენ.
შვეიცარი
ვფიქრობთ, რომ არავინ აპირებდა გასამრჯელოს მიცემას შვეიცარისთვის კარების გაღების ყოველ ჯერზე (თუმცა ვინ იცის). მაგრამ თუ შეიცარი ტაქსს გამოგიძახებთ, მადლობის ნიშნად 1-2 დოლარი მიეცით.
მიმღების ადმინისტრატორი
ეს არის ადამიანი, რომელიც ყოველთვის მიგასწავლით, სად უნდა შეიძინოთ საკვები, სად ივახშმოთ და ტაქსის რომელი ტარიფია ადეკვატური, ასე რომ, მისთვის 1-2 დოლარის მიცემა ზედმეტი არ იქნება. გარდა ამისა, ადმინისტრატორი 24 საათის განმავლობაში მუშაობს და რა თქმა უნდა, ამას იმსახურებს.
პორტერი
ლამაზი სიტყვაა თქვენი ბარგის მზიდავისთვის. დაუწერელი კანონია – 1-2 დოლარი ერთი ჩანთის ან ჩემოდნის გადაზიდვისთვის. მაგრამ თუ იგი ოთახს თქვენი მოსვლისთვის მოამზადებს და გიჩვენებთ მას, შეგიძლიათ 5 დოლარი მისცეთ, მათ შორის 1-2 დოლარი ჩემოდნებისთვის.
ვიმედოვნებთ, რომ ახლა უკვე აღარ გექნებათ რაიმე სირთულე იმასთან დაკავშირებით, რომ სასტუმროს პერსონალს აჩვენოთ, რომ მათი მომსახურება დაფასებულია და კმაყოფილი დარჩით.